الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 ظظظظظظلللللططططط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابوقبة
نائب المدير العام
نائب المدير العام
avatar

عدد المساهمات : 119
نقاط : 3006
تاريخ التسجيل : 10/02/2010

مُساهمةموضوع: ظظظظظظلللللططططط   نوفمبر 14th 2010, 13:51

سلامات ماطوري ياسكر سلامات ماطوري بطعم العيد
مالكم غايبين
اظهروا في العيد
شيلو معاكم اللاب توبات
على فكرة ماتنسوا انو الكهرباء جات
وزين عمت كل الحتات وسودان جات
بس اهم حاجة عرفتها انو عمر البشير إتبرع لينا بي الظلط
وقالو الورق عند ود إزيرق
كدا ايوسف وعورابي إتكدو من الكلام دا ورسلو المسجات
والله
فرحنا تاب
وعلي فكرة الانتخابات الجاية جات
يعني عايزين انفاق وكباري طايرة مثلا كبري طاير جنب مستشفي الماطوري ونفق جنب التقلاب
الله لابد ان يكون ويكون
مالم يكون ويكون لانكون ولا يكون



اذا فلنكن او لايكونون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد محمد نور
عضو نشيط
عضو نشيط
avatar

عدد المساهمات : 61
نقاط : 2640
تاريخ التسجيل : 06/12/2010
الموقع : قرية خدر

مُساهمةموضوع: رد: ظظظظظظلللللططططط   ديسمبر 10th 2010, 22:05


شباب آخر كهربا
وناس في حديثا مهذبه
وساكنين كمان جنب الظلط
لا يهمكم شتا لا خريف
لابسين نضيف
والمكوة سيف
بتعيشوا صاح
وبتاكلوا صاح
سمحين سماح
وبنات كمان آخر صراح
رافعات شعار الحب سلاح
يادوب شباب
لابسات شراب
شايلات حراب
واحدات مع موضة الزمن و واحدات تياب
وفي المشية آخر قندفه
وشايلات شنط
ناس الظلط ...
ناس قارية بدري إتحضرت
وإنتو الفهم كملتو جت
والبت تخش الطب كمان
متحضرة وماكله اللبان
والحاجة زاته إتحضرت
وإمكن تكون تب ما قرت
لكن بتعرف كل شي
متحننه ولابسه الوشي
لو ما كبيرة بتختشي
كان سرحت بالاورفشي
ولي الموضة كلها جربت
دي الحاجة ياناس الظلط
والود يخش الهندسه
وكان بدري طيش المدرسه
جامايكا ضيقة مع الكعب
وفنيلة cut
و البت كمان متخنفسه
شيطانة قارية المدرسه
بت في الغزل متخصصه
تزرع ألف
ترقص كشف
والحب تسمعو بالحرف
تعمل حبيب في كل يوم
واحد غني و واحد فقير
والمغترب أموالو كوم
أستاذا داك زي أسبرو
خاتاه بس عند اللزوم
تزرع كتير
عاملة الضفير
في الحب خبير
و بت فلت عارفه الأمور ومدردحه
حلوة و صغيرة وسمحه
وتجيك عاد :/
متمكيجة .. و متمهرجة .. ومتسرحه .. و متريحه ...
وآخر كشب
والحاج غني ومبسوط بسط
والجيب تقيل مقشوط قشط
من قام صغير عارف الكفت
تمساح كبير يبلع بلع
ماكل الضلع
وعامل الدقن زول فنجري
مرتاح وعندو السكري
ربيان سمين ماسكو الضغط
والبيت قريب جنب الظلط
بيت ناصية وآخر فرفشه
والأوضه جوه مكندشه
ديل إنتو يا ناس الظلط ...
و ناس نحن عاد فاتنا الزمن
نخدم نرح من غير تمن
فاقدين حيا
وعايشين علي هامش الحياة
وضايعين وسط
لا نلم في ناس أبيض ورا
ولا الأزرق الجنبو الظلط
ساكنين غلط
عايشين غلط
سايرين علي فرت نمط
نخدم نلملم في المسور
العيش عطش واللوبا بور
والحاج ورد سمالو دور
قالوا إلتهب
ضارباه حمى
أسبابه زكمه
أصلو إستحمى
وقام مرق ضربو السقط
ديل نحن ياناس الظلط ...
الزول يقوم من الصباح
ركب الحمار كشه المراح
جفل المراح
إترتع وقع فوق الظلط
مسكين يموت من غير حكيم
لازم الصبر راجل كريم
حارسو المرض
دواهو بس حبت قرض
في عمرو ماشاف الحبوب
حارقا الشمس ضاربا الهبوب
من التعب قرب يموت
عادم القرش
وأملاكو بس حقة صعوط
أولادو مالاقي أكل
والعيش كمل
يا ناس الظلط
ناس النشي وناس النبي
وجيوبنا فاضية مكركبه
و ناس في العمل متسيبه
بشريه عايشة معذبه
والعيشة تب متصعبه
فاقدين أكل
فاقدين شراب
فاقدين كسا
دايرين عيادة ومدرسه
عشان بس نزيل أمية فينا مركبه
دايرين فرن نأكل رغيف
والكولا عشان نشرب ظريف
ونعشم كمان في الكهربا
ودايرين ظلط
وأملنا لسع في الزرع
بانيين من الطين الحيط
ساكنين كدا ..
وعايشين ........"نقط"
منقووووول

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن الشيخ
عضو جديد
عضو جديد


عدد المساهمات : 13
نقاط : 2618
تاريخ التسجيل : 16/10/2010

مُساهمةموضوع: رد: ظظظظظظلللللططططط   ديسمبر 15th 2010, 06:24

اصحي يا نائم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن الشيخ
عضو جديد
عضو جديد


عدد المساهمات : 13
نقاط : 2618
تاريخ التسجيل : 16/10/2010

مُساهمةموضوع: رد: ظظظظظظلللللططططط   ديسمبر 15th 2010, 20:27

اذا كانت المسافه من قنطرة 55 اخر قنطره في مشروع الجزيره وبعدها مباشرتا ندخل علي النيل الابيض
الي ما يسمي بكنبو جيمس هذه المسافه طولها 5 كيلو ولا نريدها ظلط كما تتمني يا عزيزي نريدها ردمية تراب
هذه المسافه ونحن نتحدث فيها من عشرات السنوات ولم يتم ردم متر واحد فيها
خمسه كيلو وردميه ترابيه لا يستطع احمد طيب محمد احمد وهو من معزه واحمد المصباح والطيب حمد من ام هجيليجه
ان يعملوا هذه الردميه هل تتوقع منهم يا عزيزي عمل ظلط وهل تعرف المسافه ما بين المناقل ومعزه وكم تكلفة الكيلو من الظلط عزيزي لو كان في امكانية ظلط في هذه المنطقه اولي به المناقل 24 القرشي
هل تعلم با اخي البدايه الحقيقه لمشروع الكهرباء كانت في العام 83 27 سنه بعدها رأينا النور وانت احسب قدر هذه المده او اكثر لتري طرق المرور السريع تجوب الماطوري
وانا احيك علي الاماني وبالطبع هي حقا مشروع لك يا اخي بس صعبة المنال وان اردت ان تطاع فأطلب المستطاع وانا لااريد ان احبطك يا عزيزي بس هذه هي الحقيقه طريق في هذه الفتره صعب جدا
والماطوري يا عزيزي منطقه مقفوله للمؤتمر الوطني اذن لا داعي للخدمات مادام هي مضمونه وكل زعماء المنطقه مؤتمر وطني وهذا يكفي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد محمد نور
عضو نشيط
عضو نشيط
avatar

عدد المساهمات : 61
نقاط : 2640
تاريخ التسجيل : 06/12/2010
الموقع : قرية خدر

مُساهمةموضوع: رد: ظظظظظظلللللططططط   ديسمبر 15th 2010, 21:50

لا مستحيل بإذن الله
تفاءلوا خيرا تجدوه
ساعدونا بالدعاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن الشيخ
عضو جديد
عضو جديد


عدد المساهمات : 13
نقاط : 2618
تاريخ التسجيل : 16/10/2010

مُساهمةموضوع: رد: ظظظظظظلللللططططط   ديسمبر 19th 2010, 04:02

نساعدكم ب المويه البارده !!!!!!!!!!!!!!!
عزيزي خليك منطقي وعاقل مستحييييل ومليون مستحيل ان تري شارع مسفلت يشق مناطق الماطوري
في منطاق اهم واجدي من الماطوري لا تحلم بمثل هذه الاشياء لا لسه بدري علي هذه الاشياء
طريق المناقل القرشي معتوق ابو حبيره بداء فيه العمل منذ عشرات السنين ولم ينجذ منه شياء سوي ردميه ما بين القرشي والمناقل وانهكتها عوامل الطبيعه
لانا لا اكسر المجاديف كما تدعي بس خليك منطقي شويه وسيبكم من احلام اليقظه
هولاء الذين ذهبوا الي الخرطوم في الايام الاخيره ورأي ما شاهدوه هناك وتمنوه ان يحدث عندنا
من انت لكي اساعدك بالدعاء وكان من الافضل ان تقول ساعدنا بسكاتك والمويه البارده
عزيزي اناء ابن الماطوري ومن مؤسسي الماطوري بالوثائق والاوراق الثبوتيه
ومن انت لكي تتحدث علي مثلي
وللمره الالف مستحيل طريق مسفلت يشق الماطوري وانا قريب من مركز السلطه وبقول الكلام وعلي مسؤليتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد محمد نور
عضو نشيط
عضو نشيط
avatar

عدد المساهمات : 61
نقاط : 2640
تاريخ التسجيل : 06/12/2010
الموقع : قرية خدر

مُساهمةموضوع: رد: ظظظظظظلللللططططط   ديسمبر 19th 2010, 04:32

السلام عليكم:
عزيزي,أعذرني إن قسوت عليك
أولا من خلال الواقع المعاش الان,فلن يحدث هذا,ولكن الواقع يتغير بين اليوم والليله.
وإنّي أسألك سؤالا واحدا هل كنت قبل ثلاث أو أربع سنوات تحلم بأنّك ترى مشروع الكهرباء؟الإجابه طبعا لا
أسمح لي يا عبدالرحمن أن أقول لك وللتوثيق إن مدّ الله في عمرك سترى هذا المشروع على أرض الواقع قريبا بإذن الله, فلا تكن من القانطين.

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن الشيخ
عضو جديد
عضو جديد


عدد المساهمات : 13
نقاط : 2618
تاريخ التسجيل : 16/10/2010

مُساهمةموضوع: رد: ظظظظظظلللللططططط   ديسمبر 19th 2010, 06:53

فكرت الكهرباء يدأت عام 83 والظلط حقك لم تبدأ الفكره بعد
كلام منتديات وعندما يقترح الظلط سوف نحسب المده يا سيدي طرق قوميه لها عشرات السنين ولم تنجز بعد
اسألك سؤال انت تتمني الظلط من ود اللمين من الجهه الشماليه للمناقل او من الجهه الجنوبيه بكنار 21 الدوره او جهة ود الشغل
او تريدها الاثنان معا اتفقوا اولا يعدين نشوف طريقة الظلط ولو قلت من الجهه الجنوبيه في قري في الجهه الشماليه لن تستفيد منه وبالعكس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ظظظظظظلللللططططط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم العام :: منتدي النقاش والحوار-
انتقل الى: